«Real» argentinalik futbolchi transferini hal qildi

Franko Mastantuono Klublar o‘rtasidagi Jahon chempionati tugagandan so‘ng «Real»ga qo‘shiladi.

Jurnalist Sesar Luis Merloning ma’lumotlariga ko‘ra, vinger Madrid klubi uchun tibbiy ko‘rikdan o‘tdi va 2031 yilgacha shartnoma imzoladi. «Real» futbolchining shartnomasidagi 45 million yevro miqdoridagi to‘lov bandini faollashtirgan.

Mastantuono «River Pleyt» safida Klublar o‘rtasidagi Jahon chempionatida ishtirok etadi. U 15 avgust kuni – 18 yoshga to‘lganidan bir kun o‘tib «Real» jamoasiga qo‘shiladi.