"Andijon" klubining 23 yoshli qanot himoyachisi Mahmud Maxamadjonov Rossiya Premyer-ligasi ishtirokchisi — Maxachqalaning "Dinamo" klubiga transfer qilindi.
Futbolchining transfer qiymati 250 ming dollarga baholangan.
Mahmud Maxamadjonov "Andijon" safiga joriy yil boshida qo‘shilgan edi. U jamoa tarkibida Superligada 19 ta uchrashuvda maydonga tushib, 1 ta golli uzatmani amalga oshirdi.
O‘zbekiston Kubogida esa himoyachi 3 ta bahsda ishtirok etib, 2 ta assist qayd etdi.
Shu tariqa, Maxamadjonov "burgutlar" safida barcha musobaqalar doirasida jami 22 ta uchrashuvda maydonga tushdi.
"Andijon" klubi futbolchiga jamoa safidagi faoliyati uchun minnatdorlik bildirib, Rossiya Premyer-ligasidagi yangi bosqichida omad va muvaffaqiyat tiladi.
Shomurodov to‘purarlar bahsida yuqori ko‘tarildi
Nurmagomedov Sarukyanga "otvet" qildi
Ronaldu yangi rekordi haqida fikr bildirdi
