Moskva hamon Zelenskiyni kutmoqda

Moskva hamon Zelenskiyni kutmoqda – Rossiya prezidenti matbuot kotibi.

Dmitriy Peskov Rossiya prezidenti Vladimir Putin ilgari agar Ukraina yetakchisi buni xohlasa, Zelenskiy bilan Moskvada muzokaralar o‘tkazishga tayyorligini bildirganini eslatib o‘tgan.

"Prezident Putin agar Zelenskiy muzokaralarni xohlasa, Moskvaga kelishi mumkinligi haqida gapirgan edi. Ammo davlat yetakchilari sammiti haqida gapiradigan bo‘lsak, u qandaydir kelishuvlarni yakuniy imzolash uchun zarur, kelishuvlarning o‘zini esa juda murakkab muzokaralar davomida tayyorlash kerak", — dedi Kreml vakili.

Dmitriy Peskovning so‘zlariga ko‘ra, Rossiya Ukraina inqirozini hal qilishga hissa qo‘shishga qodir bo‘lgan har qanday mamlakatning sa’y-harakatlarini olqishlaydi.

Peskov, shuningdek, Turkiya tinchlik jarayoniga ko‘maklashishga har doim tayyorligini bildirib kelgan mamlakatlardan biri ekanligini ta’kidladi.