Raqobat qo‘mitasi yirik savdo tarmoqlari va savdo komplekslarini ogohlantirdi

Ramazon oyida narxlarning barqarorligini ta’minlash bo‘yicha Raqobat qo‘mitasi yirik savdo tarmoqlari va savdo komplekslarini ogohlantirdi.

Prezident Shavkat Mirziyoyev saxovat, mehr-oqibat va shukronalik ramzi bo‘lgan Ramazon kunlarida ichki bozorlarda narx-navo barqarorligini ta’minlash har qachongidan ham muhim ekanligini ta’kidlab, tegishli topshiriqlar bergan edi.

Raqobat qo‘mitasi tomonidan yirik savdo tarmoqlari va respublika hududlardagi savdo komplekslarini Ramazon oyi arafasida keskin talab oshadigan ijtimoiy muhim oziq-ovqat mahsulotlari narxlari barqarorligini ta’minlash bo‘yicha chakana savdo tarmoqlari va hududlardagi savdo komplekslariga yetkazib beruvchi korxonalar tomonidan narxlarni o‘zgartirishi, logistika xarajatlari va boshqa narxning oshishiga olib kelishi mumkin bo‘lgan omillar to‘g‘risida Qo‘mitani tezkor xabardor qilib borish hamda yetkazib beruvchilarni asossiz narxlarni oshirishga yo‘l qo‘ymaslik yuzasidan ogohlantirib borishlari bo‘yicha ko‘rsatmalar yuborildi.