Quvayt ikki eronlik diplomatni nomaqbul shaxs deb e’lon qildi va ularga 24 soat ichida mamlakatni tark etishni buyurdi.
Bu haqda Quvayt ommaviy axborot vositalari xabar berdi.
"Quvayt Tashqi ishlar vazirligi mamlakatdagi Eron Islom Respublikasi elchixonasining muvaqqat ishlar vakilini chaqirib, Quvayt hududi va fuqarolik infratuzilmasiga qilingan hujumlarni qoralovchi rasmiy norozilik notasini topshirdi", deyiladi bayonotda.
Kecha Eronning Quvaytga qarshi dron va raketa hujumi oqibatida bir kishi halok bo‘lgani va 63 kishi yaralangani haqida xabar berilgan edi. 3 iyun kuni ertalabdan beri Quvayt qurolli kuchlari 13 ta Eron ballistik raketalari va 17 ta dronni ushladi.