Qur’onni yoqqan shaxsni o‘ldirganlikda gumon qilinganlar qo‘yib yuborildi

Shvesiyada Qur’onni yoqish aksiyasi tashkilotchisi, asli iroqlik Salvan Momika Stokgolm chekkasidagi uyida otib o‘ldirilgan edi.

Shu ish bo‘yicha gumon qilinib qo‘lga olingan besh shaxs ozodlikka chiqarildi. Bu haqda 1 fevral kuni mamlakat prokuraturasi matbuot xizmati katta prokuror Rasmus Omanga asoslanib xabar berdi.

«Jinoyatni sodir etganlik bo‘yicha gumonlar kuchini yo‘qotdi, bu odamlarni ortiq ushlab turishga boshqa sabab ko‘rmayapman», — dedi Oman.