Germaniyaning Shtutgart shahrida Octagon 68 turniri bo‘lib o‘tdi. Ushbu jang kechasida 35 yoshli o‘zbekistonlik o‘rta vazn toifasidagi sobiq UFC jangchisi Mahmud Murodov (28-8-0-1) ham ishtirok etdi.
Murodovning raqibi 41 yoshli shveysariyalik Yasubi Enomoto (22-16) bo‘ldi.
Jang ikkinchi raundning 40-soniyasida yakunlandi. Murodov kuchli zarbalar bilan raqibini qattiq charchatib qo‘ydi. So‘ngra u Enomotoga dahshatli qo‘l zarbasini yo‘lladi. Natijada, Enomoto og‘ir nokautga uchradi.
Bu Mahmud uchun ketma-ket to‘rtinchi g‘alaba bo‘ldi. U 2019—2024 yillar oralig‘ida UFC jangchisi sifatida dunyoning eng nufuzli ligasida olti marotaba ringga chiqib, to‘rtta g‘alaba va ikkita mag‘lubiyat qayd etgan. Enomoto esa ketma-ket uchinchi bor mag‘lubiyatga uchradi.
Krishtianu Ronaldu "Real Madrid"ga xabar yubordi
Gvardiola yana bir marta Husanovni tilga oldi
"Manchester Siti" sardori: "Yonimda bugun kuchli Husanov borligini his qildim"
