Qo‘qon shahrida umumiy bahosi 51 mln so‘mlik kuchli ta’sir qiluvchi dori vositalarini saqlab kelayotgan shaxs aniqlandi

Bosh prokuratura huzuridagi Departamentning Qo‘qon shahri bo‘limi va boshqa huquqni muhofaza qiluvchi organ xodimlari hamkorligida o‘tkazilgan tezkor tadbirda fuqaro F.X. “Tolzor” MFY hududidagi xonadonida xorijda ishlab chiqarilgan, kelib chiqishi va sifatini tasdiqlovchi hujjatlari bo‘lmagan 15 turdagi jami 1 953 dona kuchli ta’sir qiluvchi dori vositalarini saqlab kelayotganligi aniqlanib, ushbu dori vositalari ashyoviy dalil sifatida olingan.
Mazkur holat yuzasidan Jinoyat kodeksining 251-2-moddasi (giyohvandlik vositalari, ularning analoglari yoki psixotrop moddalar hisoblanmaydigan alohida toifadagi kuchli ta’sir qiluvchi moddalarni o‘tkazish maqsadini ko‘zlamay qonunga xilof ravishda tayyorlash, olish, saqlash, tashish yoki jo‘natish) bilan jinoyat ishi qo‘zg‘atilib, tergov harakatlari o‘tkazilmoqda.