«Zenit» va Qozog‘iston milliy terma jamoasi himoyachisi Nurali Alip futbol bo‘yicha JCH-2026ga chiqish uchun kurashdagi omadsizlikdan keyingi his-tuyg‘ularini bayon qildi.
— Magomed Adiyev qo‘l ostida Qozog‘iston terma jamoasining o‘yinini qanday baholaysan?
— Bizda deyarli hamma narsa chiqdi, o‘yinlarning ko‘pini yutib oldik. Terma jamoa uchun baho — besh.
— Qozog‘iston jahon chempionatiga chiqa olmaganda qanday his-tuyg‘ularni boshdan kechirding?
— O‘yindan keyin bo‘shliq hissi bo‘ldi, kiyinish xonasida yarim soatcha sukut saqlab o‘tirdik, yerga qarab qoldik. Hammamiz bor kuchimizni berganimizni tushunardik, ammo natijaga erishib bo‘lmadi.
— Sababi nimada, deb o‘ylaysan?
— Balki o‘zimizni ortiqcha ruhlantirib yuborgandirmiz. Undan uch kun oldin mehmonda Finlyandiyani mag‘lub etgandik. Shundan keyin keyingi o‘yinni ham yutamiz, deb o‘yladik, ammo nimadir yetishmadi. Ehtimol, charchagandirmiz.
— Jahon chempionatini tomosha qilishni rejalashtiryapsanmi?
— Pley-offda qiziq bo‘ladigan ayrim o‘yinlarni ko‘raman.
— Qaysi jamoaga muxlislik qilmoqchisan?
— Gruziya va O‘zbekiston terma jamoalarini kuzatish qiziq bo‘ladi.
«Manchester Siti» Abduqodir Husanov bo‘yicha transfer masalasida qaror qildi
Abduqodir Husanov «Real»da o‘ynashga yaqin turibdi
Fabio Kannavaro “JCH-2026” oldidan barcha muammolarni ochib berdi
