Қозоғистон терма жамоаси футболчиси: «Жаҳон чемпионатида Ўзбекистонга мухлислик қиламан»

«Зенит» ва Қозоғистон миллий терма жамоаси ҳимоячиси Нурали Алип футбол бўйича ЖЧ-2026га чиқиш учун курашдаги омадсизликдан кейинги ҳис-туйғуларини баён қилди.

— Магомед Адиев қўл остида Қозоғистон терма жамоасининг ўйинини қандай баҳолайсан?
— Бизда деярли ҳамма нарса чиқди, ўйинларнинг кўпини ютиб олдик. Терма жамоа учун баҳо — беш.

— Қозоғистон жаҳон чемпионатига чиқа олмаганда қандай ҳис-туйғуларни бошдан кечирдинг?
— Ўйиндан кейин бўшлиқ ҳисси бўлди, кийиниш хонасида ярим соатча сукут сақлаб ўтирдик, ерга қараб қолдик. Ҳаммамиз бор кучимизни берганимизни тушунардик, аммо натижага эришиб бўлмади.

— Сабаби нимада, деб ўйлайсан?
— Балки ўзимизни ортиқча руҳлантириб юборгандирмиз. Ундан уч кун олдин меҳмонда Финляндияни мағлуб этгандик. Шундан кейин кейинги ўйинни ҳам ютамиз, деб ўйладик, аммо нимадир етишмади. Эҳтимол, чарчагандирмиз.

— Жаҳон чемпионатини томоша қилишни режалаштиряпсанми?
— Плей-оффда қизиқ бўладиган айрим ўйинларни кўраман.

— Қайси жамоага мухлислик қилмоқчисан?
— Грузия ва Ўзбекистон терма жамоаларини кузатиш қизиқ бўлади.