Bugun 16 noyabr, 2026 yil, dushanba

КИР

Qirg‘izistonda endi davlat xizmatchilari qo‘shimcha haq evaziga ishlashi mumkin

Qirg‘izistonda endi davlat xizmatchilari qo‘shimcha haq evaziga ishlashi mumkin

Qirg‘iziston prezidenti Sadir Japarov davlat va munisipal xizmatchilarining faoliyatiga oid farmonga o‘zgartirishlar kiritdi.

Yangi tartibga ko‘ra, siyosiy va maxsus lavozimlardagi davlat xizmatchilari o‘z kasbiy sohasiga mos ravishda ta’lim, ekspertlik, ilmiy va boshqa ijodiy faoliyat bilan shug‘ullanib, qo‘shimcha daromad olishi mumkin.

Buning uchun xizmatchini lavozimga tayinlagan shaxsning roziligi talab etiladi. Qo‘shimcha faoliyat asosiy xizmat vazifalarining bajarilishiga xalaqit bermasligi va manfaatlar to‘qnashuvini keltirib chiqarmasligi kerak.

Shuningdek, xizmatchilarga sog‘liqni saqlash, ta’lim, xayriya va volontyorlik sohalaridagi jamoat birlashmalari faoliyatida ishtirok etish huquqi berildi.

Farmonda mehnat ta’tiliga oid qoida ham o‘zgartirildi. Endi davlat xizmatchisini uning roziligisiz ta’tildan muddatidan oldin chaqirib olish mumkin emas. Rozilik telefon yoki raqamli aloqa vositalari orqali ham olinishi mumkin.

Bundan tashqari, xizmatchilarning qarorlar qabul qilish, ularni tayyorlash va ko‘rib chiqishda ishtirok etish huquqlari ham belgilab qo‘yildi.

Kiritildi: Bugun 01:24. O'qildi: 538 marta. Fikrlar soni: 0 ta.
telegram channel

Bo'limga tegishli qiziqarli xabarlar

Eng ko'p o'qilgan yangilik