Qirg‘izistonning sobiq prezidenti Almazbek Atambayevning o‘g‘li Qodir Atambayev va Sosial-demokratlar partiyasi yetakchisi Temirlan Sultanbekov mol-mulki musodara qilingan holda mos ravishda to‘rt va yetti yillik qamoq jazosiga hukm qilindi.
Bu haqda qirg‘iz ommaviy axborot vositalari xabar bermoqda.
Bishkekning Pervomayskiy tuman sudi ularni "hokimiyatni zo‘rlik bilan egallab olish"da aybdor deb topdi.
Sud sobiq Jogorku Kengash deputati Kubanichbek Qodirovni oqladi.
Ishda yana bir qancha shaxslar ham ishtirok etmoqda: ilgari Alamudun tuman sudi tomonidan firibgarlikda ayblanib, sakkiz yillik qamoq jazosiga hukm qilingan Abdurahim Abdraxmanov; va ayblov qayta tasniflangan, shartli nazoratga olingan va sud zalida hibsdan ozod qilingan Ermek Ermatov. Qozog‘iston fuqarosi Serikbay Kabylanbek jazosini o‘tab bo‘lganidan so‘ng sud zalida hibsdan ozod qilindi, shundan so‘ng u Qirg‘izistondan deportasiya qilindi.
Avvalroq, mamlakat Ichki ishlar vazirligi 2025 yilgi parlament saylovlaridan keyin ommaviy tartibsizliklarni rejalashtirganlikda gumon qilingan 10 kishidan iborat guruhni hibsga olgan edi. Polisiya ma’lumotlariga ko‘ra, Sosial-demokratlar partiyasi vakillari tartibsizliklarni uyushtirish va kuch ishlatish uchun uyushgan jinoyatchilik guruhi a’zolari, sportchilar va ularning tarafdorlarini yollashni niyat qilgan.
Ikki futbolchi zo‘rlash ishida qo‘lga olindi
«Biz tayyormiz»: Mers Kiyevdan Putinga murojaat qildi
Jizzaxda erkak 10 yoshli bolani zo‘rlab, so‘ng o‘z joniga qasd qildi
