Qirg‘iziston TIV 11 aprel kuni Moskvadagi “Bodrost” hammom majmuasida qirg‘izistonliklarning hibsga olinishi tufayli Rossiya elchisiga norozilik notasini topshirdi.
"Rossiya tomoniga rasmiy norozilik notasi topshirildi, unda huquqni muhofaza qilish organlari tomonidan o‘tkazilgan operasiya asoslari hamda Qirg‘iziston fuqarolariga nisbatan kuch ishlatish holatlari bo‘yicha ma’lumot taqdim etish so‘ralgan. Agar fuqarolarimizga nisbatan kuch ishlatish holati huquqiy asosga ega bo‘lmasa, Moskva shahridagi huquqni muhofaza qilish organlari vakillariga nisbatan tegishli choralar ko‘rilishi so‘raldi", deyiladi Qirg‘iziston TIV bayonotida.
Nota Rossiyaning Bishkekdagi elchisi Sergey Vakunovga Qirg‘iziston Tashqi ishlar vaziri o‘rinbosari Almaz Imangaziyev tomonidan topshirildi. Imangaziyev Qirg‘iziston fuqarolarining huquqlarini himoya qilish va bunday holatlarning takrorlanishiga yo‘l qo‘ymaslik choralarini ko‘rishni so‘radi.
"Bu Qirg‘iziston-Rossiya ittifoqchilik va strategik sheriklik munosabatlariga zarar yetkazishi mumkin", deyiladi qirg‘iz diplomatik idorasi xabarida.
Moskva markazida ketma-ket portlashlar yuz berdi
Abduqodir Husanov nega maydonga tushmayotganligiga oydinlik kiritildi. Asl muammo nimada?
"El-Klasiko" oldidan "Barselona" muxlislari uchun xushxabar bor
