«PSJ» yulduzi Vitinya kelajakda o‘ynamoqchi bo‘lgan jamoasini aytdi

"PSJ" yarim himoyachisi Vitinya kelajakda qaysi jamoada o‘ynashni istashini aytdi.

"Men yana "Portu" libosida o‘ynashni juda xohlardim. "Dragau" stadionida o‘zimni uydagidek his qilyapman, ammo ko‘p narsa faoliyatimning rivojlanishiga, shuningdek, "Portu"dagi vaziyatga bog‘liq bo‘ladi. Men har doim klubning maqsad va istaklariga bog‘liq bo‘lib qolaman," - dedi Vitinya O Jogo nashriga bergan intervyusida.

Vitinya "Portu" tarbiyalanuvchisi hisoblanadi. "Ajdarlar"ning asosiy jamoasi safida yarim himoyachi 59 ta o‘yinda maydonga tushib, to‘rtta gol urgan va oltita golli uzatmani sheriklariga amalga oshirgan.

Vitinya 2025 yilda "Oltin to‘p" uchun ovoz berishda uchinchi o‘rinni egalladi.