Portugaliyalik 19 yoshli hujumchi avtohalokatda vafot etdi

"Oliveyrense" hujumchisi Ivan Martins avtohalokatda vafot etdi, deya xabar berdi Portugaliya klubi matbuot xizmati.

Fojia 21 mart kuni ertalab sodir bo‘lgan. Portugaliyalik 19 yoshda edi.

"Oliveyrense" futbol klubi bugun ertalab yo‘l-transport hodisasi qurboni bo‘lgan jamoamizning 19 yoshgacha bo‘lgan futbolchisi Ivan Martinsning fojiali o‘limi haqida chuqur qayg‘u va katta larza bilan xabar beradi," - deyiladi klub xabarida.

Martins 2024 yilning yozida "Oliveyrense" futbolchisiga aylangandi. Bungacha u Shveysariyaning "Yang Boyz" yoshlar jamoalarida o‘ynagan.