Portugaliya nashri: Paulu Bentu O‘zbekiston terma jamoasini boshqarmaydi

Portugaliyalik murabbiy Paulu Bentu O‘zbekiston milliy terma jamoasini boshqarish taklifini rad etdi. O‘FA mutaxassisga jamoani 2026 yilgi jahon chempionatiga tayyorlash uchun mo‘ljallangan shartnoma taklif qilgan edi.

"A Bola" nashri xabariga ko‘ra, Bentu taklifni qabul qilmadi, chunki o‘zbek tomoni taqdim etgan shartlar uning faoliyatining bu bosqichidagi maqsadlariga mos kelmagan.

56 yoshli mutaxassis 2025 yil mart oyida BAA terma jamoasi bosh murabbiyligidan ketganidan so‘ng klubsiz qolgan. Uning qo‘l ostida jamoa Jahon chempionatiga chiqish imkoniyatini saqlab turgan bo‘lsa-da, shartnoma muddatidan avval bekor qilingan.

Bundan avval Bentu Portugaliya va Janubiy Koreya terma jamoalarini ham boshqargan va ular bilan jahon hamda Yevropa chempionatlari final bosqichiga chiqqan.