Polisiya Gamburgda otishma uyushtirgan erkakni qo‘lga oldi

Gamburgda erkak polisiyachilarga qarata o‘t ochdi. Huquq-tartibot idoralari xodimlari uni qo‘lga olishga muvaffaq bo‘lishdi, jabrlanganlar yo‘q.

Bu haqda Germaniyaning Bild gazetasi manbasiga tayanib xabar bermoqda.

"Soat 19.53 da noma’lum shaxs Noygraben tumanida temir yo‘l stansiyasi yaqinida polisiyachilarga qarata o‘q uzgan," - deyiladi xabarda.

Polisiya qochoq jinoyatchini voqeadan uch soat o‘tib qo‘lga oldi.

Bekatda fuqaro kiyimidagi huquq-tartibot idoralari xodimlari o‘zaro faol bahslashayotgan bir guruh odamlarga e’tibor qaratishdi. Nashr ma’lumotlariga ko‘ra, o‘g‘irlik sodir bo‘lgan.

Polisiyachilar yaqinlashganda, noma’lum shaxslar yashirinishga harakat qilishdi. Erkaklardan biri polisiyachilarga qarata o‘q uzgan. Bunga javoban ular ham qurol ishlatishgan. Otishmada hech kim jabrlanmagan.