Pokiston Hindistondan hujum 24-36 soat ichida rejalanganini aytdi

Bu haqda Pokiston axborot va radioeshittirish vaziri Attaulla Tarar o‘zining X sahifasida yozdi.

"Pokiston ishonchli razvedka ma’lumotlariga ega, Hindiston yaqin 24-36 soat ichida Pahalgam hodisasini yolg‘on bahona qilib, harbiy zarba berish niyatida. Har qanday tajovuzkorlik harakati qat’iy javob bilan kutib olinadi", - dedi vazir.

U, shuningdek, Nyu-Dehli mintaqa uchun "har qanday mumkin bo‘lgan oqibatlar uchun javobgar bo‘lishini" aytdi.