Pirotexnika buyumlari muomalasi qonun bilan tartibga solinadi. «Pirotexnika buyumlarining muomalasi to‘g‘risida» gi Qonun (O‘RQ–1111-son, 13.01.2026 y.) qabul qilindi.
Adliya vazirligi tomonidan ishlab chiqilgan Qonunga ko‘ra, pirotexnik tarkibning yonishi (portlashi) yordamida optik, akustik, elektr va boshqa vizual effektlarni hosil qilish uchun mo‘ljallangan qurilmalar pirotexnika buyumlaridir.
Pirotexnika buyumlari ularning xavflilik zonasi, shu jumladan atrofdagi fazoning zararlanish darajasidan kelib chiqib, xavflilikning I – V sinflariga bo‘linadi.
O‘zbekistonda xavflilikning I sinfiga kiruvchi pirotexnika buyumlarini jismoniy va yuridik shaxslar tomonidan ishlab chiqarish, tayyorlash, O‘zbekiston hududiga olib kirish, tashish, o‘tkazish, sotib olish, saqlash va ulardan foydalanishga ruxsat beriladi.
O‘zbekistonda xavflilikning II – V sinflariga kiruvchi pirotexnika buyumlarini ishlab chiqarish, tayyorlash, O‘zbekiston hududiga olib kirish, tashish, jo‘natish, o‘tkazish, sotib olish, saqlash va ulardan foydalanish taqiqlanadi.
Pirotexnika buyumlarining muomalasi ustidan davlat nazorati O‘zbekiston Respublikasi Milliy gvardiyasi, ichki ishlar va bojxona organlari tomonidan amalga oshiriladi.
Qonun rasmiy e’lon qilingan kundan e’tiboran 3 oy o‘tgach kuchga kiradi.
Vanganing «bashoratlari»: Uchinchi jahon urushi 2026 yilda boshlanadi
"Tez orada Vatanimga qaytishga hozirlik ko‘rmoqdaman"
Italiya Bosh vaziri: "Evropa va Rossiya o‘rtasidagi muloqotni qayta tiklash vaqt keldi, aks holda Putinning qo‘lida o‘ynaymiz"
