Eronning marhum Oliy Rahbari Ali Xomanay Qo‘shma Shtatlar bilan muzokaralarga qarshi emas edi.
Bu haqda Eron prezidenti Masud Pezeshkian ma’lum qildi.
"12 kunlik urush paytida men marhum rahbar bilan birga xizmat qildim va u muzokaralar qanday olib borilishi kerakligi haqida gapirdi", dedi Pezeshkian.
Uning so‘zlariga ko‘ra, Ali Xomanay Qo‘shma Shtatlar bilan muzokaralar zarurligini ta’kidladi: "Biroq, hozir ba’zilar muzokaralar keraksiz degan fikrni targ‘ib qilmoqdalar".
28 fevral kuni Qo‘shma Shtatlar va Isroil Eronga qarshi harbiy operasiya boshladilar va bir nechta shaharlarga havo hujumlarini uyushtirdilar. O‘sha kuni Eronning Oliy Rahbari Ali Xomanay hujumlarda halok bo‘ldi. Qasos sifatida Eron Isroil hududiga va Fors ko‘rfazidagi Amerika harbiy bazalariga hujum qildi.
8 aprel kechasi Eron, Qo‘shma Shtatlar va ularning ittifoqchilari sulh bitimiga erishdilar. Keyinchalik Tramp sulhni noma’lum muddatga uzaytirdi.
Mojaroni hal qilish uchun ikki tomon Pokistonda muzokaralar o‘tkazdi, ammo 11-12 aprel kunlari bo‘lib o‘tgan birinchi bosqich hech qanday natija bermadi.
Tehronga bosim o‘tkazish uchun AQSh Eron portlarini va Hormuz bo‘g‘ozi orqali o‘tishni to‘sib qo‘ydi. O‘z navbatida Eron Fors ko‘rfaziga qatnovchi kemalar uchun Hormuz bo‘g‘ozini yopilishini e’lon qildi. Mintaqadagi tez o‘zgarib borayotgan vaziyat global energetika inqiroziga olib keldi.
Maktablarda «So‘nggi qo‘ng‘iroq» tadbirlari qachon o‘tkazilishi ma’lum bo‘ldi
Eron 57 ta musulmon davlatidan iborat “Islom NATOsi” ni tuzishga chaqirdi
Prezidentning yangi qarori qabul qilindi
