"Persepolis" klubi O‘zbekiston terma jamoasi hujumchisi Igor Sergeev hamda o‘ng qanot himoyachisi Xojiakbar Alijonovni o‘z safiga qo‘shib olish uchun muzokaralar o‘tkazmoqda.
Eronning Varzesh3 nashri xabar berishicha, mazkur ikki futbolchi orasida Sergeevning transferi ancha oldinda. O‘zbekistonlik forvard yaqin kunlarda Tehronga yetib kelib, tibbiy ko‘rik va hujjat ishlaridan so‘ng "Persepolis" bilan shartnoma imzolashi kutilmoqda. Agar barcha jarayonlar muvaffaqiyatli yakunlansa, u jamoa bilan birga Qatar yig‘iniga yo‘l oladi.
Alijonov bo‘yicha muzokaralar esa hozircha davom etmoqda. Ilk muloqotlar ijobiy kechgan bo‘lsa-da, uchinchi tomon aralashuvi tufayli ushbu transferning taqdiri hali aniq emas.
Ma’lumot uchun, Transfermarkt portali Sergeevni ham, Alijonovni ham 1,2 million yevroa baholagan.
Nodirbek Abdusattorov Magnus Karlsen bilan yangi formatdagi Jahon chempionatida ishtirok etadi
«Espanyol» muxlislari «Barselona» urgan gollarga chiday olishmadi (foto)
"Real" qishda Rodrigoni sotib olmoqchi bo‘lgan klublarga uning narxini ma’lum qildi
