Pentagon ehtimoliy keng ko‘lamli dunyo urushi fonida ASHQdagi harbiy bazalarni tashqi yordamsiz kamida 90 kun davomida mustaqil faoliyat yuritishga tayyorlamoqda. Fox News telekanaliga ma’lum bo‘lgan FORTRESS tashabbusiga ko‘ra, ushbu choralar energetika tarmoqlarining ishdan chiqishi, ta’minot zanjirlarining uzilishi va muhim infratuzilmaga tahdid solinishi mumkin bo‘lgan vaziyatlar uchun nazarda tutilgan.
«Vatanimizni himoya qilish haqidagi tasavvurlarimiz ikkita okean bizni asraydi degan eskirgan qarashlarga asoslanganini anglab yetdim», — dedi Pentagon vakili Shon Parnell. — «Prezident Tramp u dunyo o‘tmishda qolganini tushunadi va u yangicha fikrlash uchun allaqachon zamin yaratdi: «Oltin gumbaz» loyihasi, G‘arbiy yarimshar, Grenlandiya va Panamaga e’tiborni qayta qaratish».
FORTRESS tashabbusi, shuningdek, ishlab chiqaruvchilar uzoq muddatli uzilishlar sharoitida mahsulot yetkazib berishni saqlab qola olishini baholash uchun muntazam sanoat stress-testlari va safarbarlik mashg‘ulotlarini o‘tkazishni nazarda tutadi.
Zelenskiy Ukraina hududining bir qismidan voz kechishga olib keladigan tinchlik kelishuviga rozi bo‘lishi mumkin
Sun’iy intellekt dunyodagi eng qimmat surat muallifligini shubha ostiga qo‘ydi
O‘zbekiston Samarqand haqidagi bayonotlar sabab Eronga norozilik notasi topshirdi
