Pekin va AQShning ittifoqchisi bo‘lgan Filippin o‘rtasida Janubiy Xitoy dengizidagi bahsli Sendi-Key oroli tufayli keskinlik yanada oshdi. Yakshanba kuni Xitoy tomoni besh nafar filippinlik harbiy xizmatchining mazkur orolga "noqonuniy" ravishda qadam qo‘yganini da’vo qildi.
Manila o‘z suvlarida Xitoy kemalari noqonuniy tadqiqot ishlarini olib borayotganini aniqlaganini va ularni haydab chiqarish uchun aviasiya hamda dengiz kuchlarini ishga solish bilan tahdid qildi.
O‘tgan haftada Xitoy sohil qo‘riqlash xizmati vakillari Sendi-Keyga XXR bayrog‘i bilan kelgani haqida xabarlar tarqalgan edi, bunga javoban Filippin ham o‘z sohil qo‘riqlash bo‘linmalarini hududga yuborgan.
Pekin Janubiy Xitoy dengizining deyarli barcha qismiga egalik qilishga intilyapti, bu esa ikki davlat o‘rtasidagi hududiy nizolarni yillar davomida keskinlashtirib kelmoqda. Hozircha mamlakat Tashqi ishlar vazirligi va Filippinning Pekindagi elchixonasi vaziyat bo‘yicha rasmiy izoh bermadi.
Zelenskiy Putinning G‘alaba bayrami munosabati bilan sulh e’lon qilish g‘oyasiga munosabat bildirdi
AQShda Rossiyaning T-72 tanki dunyodagi eng yaxshi tanklardan biri deb topildi
Oq uy bayonoti: Eron bilan urush rasman «yakunlandi»
