Afg‘onistondagi Tolibon hukumati joriy yil 26 iyulda boshlanadigan Parij Olimpiadasida 3 nafar sportchi mamlakat sharafini himoya qilishini tasdiqlagan. Bu haqda Afg‘oniston sport departamenti xabar tarqatgan.
Xalqaro olimpiya qo‘mitasi esa Olimpiya o‘yinlarida olti nafar afg‘on – uch ayol va uch erkak sportchi qatnashishini tasdiqlagan.
Departament vakili Atal Mashvaniy Afg‘onistonda ayollar sporti taqiqlanganini ro‘kach qilib, boshlanishiga 17 kun qolgan Olimpiadaga ushbu davlatdan 3 nafar atlet borishini bildirgan.