Ipotekani qayta moliyalashtirish kompaniyasi navbatdagi to‘g‘ridan-to‘g‘ri (davlat kafolatisiz) qarz mablag‘larini Osiyo Taraqqiyot Bankidan (OTB) jalb qilishga erishdi.
Bu haqida Ipotekani qayta moliyalashtirish kompaniyasi matbuot xizmati ma’lum qildi. Kompaniya va OTB o‘rtasida 30 million AQSh dollari miqdorida to‘g‘ridan-to‘g‘ri (davlat kafolatisiz) qarz mablag‘larini jalb qilish bo‘yicha muzokaralar muvaffaqiyatli yakunlandi va shartnoma imzolandi.
Jalb qilingan mablag‘lar Kompaniya tomonidan tijorat shartlari asosida tijorat banklar taqdim etadigan ipoteka kreditlarini va yashil uy-joylarni moliyalashtirish hamda qayta moliyalashtirish uchun yo‘naltiriladi.
– Ushbu shartnomaning imzolanishi Kompaniya va OTB hamkorligi doirasidagi navbatdagi muhim bir yutuqdir. OTB bilan hamkorlikni yanada rivojlantirish, tijorat banklarini uzluksiz resurs bilan ta’minlash va bu orqali aholining uy-joyga bo‘lgan ehtiyojini qondirish, ularga ipoteka kreditlari bo‘yicha yanada qulay sharoitlar yaratishda muhim ahamiyat kasb etadi, – deydi Kompaniya Bosh ijrochi direktori Murodjon Farmonov.
U-17 Osiyo kubogi. O‘smirlarimiz bugun yarim final uchun kurashadi
O‘zbekistonda o‘ta xavfli yuqumli kasallik tarqatuvchi “uyg‘ondi”
Namanganda 16 yoshli qiz mashina haydab, onasi va singlisining o‘limiga sabab bo‘ldi
