Fransiya terma jamoasi va «PSJ» hujumchisi Usman Dembelening baholangan narxi Transfermarkt saytining yangilanishi natijasida 10 million yevroga oshdi. Hozirgi paytda 2025 yilgi «Oltin to‘p» sovrindori 100 million yevroga baholanmoqda.
Yangilanishdan so‘ng, 28 yoshli hujumchi Transfermarkt talqini bo‘yicha dunyodagi eng qimmat 20 futbolchi ro‘yxatiga kirdi. Ro‘yxatning birinchi pog‘onasini Ispaniya terma jamoasi va «Barselona» vingeri Lamin Yamal (200 million yevro) egalladi. U joriy yildagi «Oltin to‘p» so‘rovida ikkinchi o‘rinni olgan edi.
O‘tgan mavsumda Dembele barcha musobaqalarda jami 53 ta o‘yinda maydonga tushib, 35 ta gol urdi va 16 ta golli uzatma amalga oshirdi. U «PSJ» tarkibida Chempionlar Ligasi, Liga 1, Fransiya Kubogi va Superkubogini qo‘lga kiritdi.
O‘zbekistonning "JCH–2026" guruh bosqichidagi raqibi o‘zgarishi mumkin
Gvardiola Husanov sariq kartochka olgan vaziyat haqida fikr bildirdi
Elmurod Haqnazarov braziliyalik raqibidan ustun keldi
