Ob-havoga ta’sirchan odamlar yengil nafas olishingiz mumkin

Ob-havoga ta’sirchan odamlar yengil nafas olishlari mumkin. Chunki Quyoshning Yerga qaragan tomonidagi dog‘lar deyarli butunlay yo‘qoldi.

Bu chaqnashlar soni kamaygani yoki to‘liq to‘xtaganidan dalolat beradi, deb xabar berdi Rossiya Fanlar akademiyasi Koinot tadqiqotlari institutining Quyosh astronomiyasi laboratoriyasi.

Agar hech narsa o‘zgarmasa, keyingi haftaning boshigacha chaqnashlar soni butunlay nolga tushishi mumkin, bu ob-havoga ta’sirchan odamlar quvonishiga arzirli sabab.

Avvalroq, Quyoshdagi tojdor teshikning maydoni qariyb 50 foizga kengaygani haqda xabar bergan edik.