Nike motorli krossovkalarini taqdim etdi

Nike kompaniyasi “Project Amplify” nomli motorli krossovkalar prototipini namoyish qildi. Qurilma kompaniyaning rasmiy sahifasida taqdim etilgan.

Texnologiyaning asosiy xususiyatlariga ko‘ra, krossovka bo‘ldir va to‘piq harakatlarini kuchaytirish uchun mo‘ljallangan. Poyabzalga motor, uzatma tasmasi va qayta quvvatlanadigan manjet-batareya o‘rnatilgan. Uni ham motor bilan, ham motorsiz holda kiyish mumkin.

Yangi texnologiya professional sportchilar uchun emas, balki uzoq yuradigan yoki ko‘proq yugurishni rejalashtirayotgan odamlar uchun mo‘ljallangan. Poyabzal harakat tezligini oshirish va uzoq masofani yengil bosib o‘tishga yordam beradi.

Nike kompaniyasi vise-prezidenti Maykl Donagyuning ta’kidlashicha:
“Project Amplify qadamingizga qo‘shimcha kuch beradi. Siz o‘ylaganingizdan ham ko‘proq natijaga erishishingizni anglash — bu alohida zavq.”

Hozirda loyiha sinov bosqichida bo‘lib, poyabzal bir necha yil ichida sotuvga chiqarilishi mumkin.