Niderlandiya Ukraina energetika sohasini qo‘llab-quvvatlash uchun 25 million yevro ajratadi

Niderlandiya Ukraina energetika sohasini qo‘llab-quvvatlash uchun 25 million yevro ajratadi.

Bu haqda Niderlandiya tashqi ishlar vaziri David van Veel X ijtimoiy media platformasida ma’lum qilgan.

Uning qayd etishicha, Ukrainani qo‘llab-quvvatlash va Rossiyaga bosimning davom etishi xalqaro siyosatning muhim elementlari bo‘lib qolmoqda. Vazir, shuningdek, Niderlandiya urush jinoyatlari tribunalini yaratishning dastlabki bosqichlariga mezbonlik qilishini ta’kidladi.

"Men hamkasbim Andriy Sibigaga energetika sohasida hamkorlikni kuchaytirayotganimiz haqida ham ma’lum qildim. Rossiya Ukraina energetika infratuzilmasiga ataylab hujum qilmoqda. Niderlandiya uskunalar, zudlik bilan ta’mirlash va gaz xaridlari uchun 25 million yevro ajratmoqda. Do‘stlarimizning muzlashiga yo‘l qo‘ymaymiz", deb yozdi u.