Netanyaxu Isroilning AQShdan tashqari boshqa ittifoqchilari ham borligini ma’lum qildi

Isroil Bosh vaziri Binyamin Netanyaxu Isroil nafaqat Qo‘shma Shtatlar, balki boshqa davlatlar tomonidan ham qo‘llab-quvvatlanayotganini ma’lum qildi.

«Bizning boshqa do‘stlarimiz ham bor. Masalan, 1,4 milliard aholi istiqomat qiladigan kichkinagina Hindiston davlati. U yerda biz juda katta qo‘llab-quvvatlashga egamiz», — dedi Netanyaxu Fox News telekanaliga bergan intervyusida.

Shu bilan birga, Bosh vazir AQSh Prezidenti Donald Tramp barcha Amerika rahbarlari ichida Isroilning eng buyuk do‘sti ekanini alohida ta’kidlab o‘tdi.