Netanyaxu: "Eronda rejim o‘zgarishi Isroilning asosiy maqsadi"

Isroil Bosh vaziri Benyamin Netanyaxu mamlakatning asosiy tashqi siyosat maqsadi Erondagi rejimni o‘zgartirish ekanligini ta’kidlab, unga yaqin kelajakda erishish mumkin deb aytdi.

Netanyaxu bu bayonotni mudofaa vaziri Israel Kas, shtab boshlig‘i Eyal Zamir va harbiy rahbariyat bilan uchrashuvda aytdi. Bayonot yaqinlashib kelayotgan Rosh xa-Shana bayramiga to‘g‘ri keldi.

"Men bu tahdidni bir marta va butunlay yo‘q qilish qobiliyatimizga ishonaman. Ya’ni, Tehrondagi hukumatni ag‘darish. Bu bizning oldimizda turgan asosiy maqsad, ammo unga erishish allaqachon mumkin. Bu imkonsiz emas. Bu juda yaqin", dedi Netanyaxu Bosh vazir devoni ma’lumotlariga ko‘ra.

Uning ta’kidlashicha, Eron hozir har qachongidan ham zaifroq va o‘zining omon qolishi uchun kurashmoqda.