Nemislar ko‘p narsalarni to‘g‘ri qilgan

NATO Bosh kotibi Mark Rutte Germaniyaning "Bild" gazetasiga bergan intervyusida, nemislar "Ukrainadagi urush boshlanganidan beri ko‘p narsalarni to‘g‘ri qilgani"ni ta’kidladi.

"Biroq, Germaniya iqtisodiyotining kattaligini hisobga olsak, tabiiyki, ulardan ko‘proq harakat kutamiz," dedi Rutte. U yana qo‘shimcha qildi: "Germaniya mudofaa xarajatlarini oshirishi shart, bu zaruriy qadam bo‘ladi."

Germaniya AQShdan keyin Ukrainaning ikkinchi yirik harbiy ko‘makchisi hisoblanadi, ammo kansler Olaf Shols Vladimir Zelenskiyning ikkita asosiy talabini rad etmoqda.

Bular: birinchidan, Germaniya va Shvesiyada ishlab chiqarilgan uzoq masofali "Taurus" raketalarini Ukrainaga yetkazib berish, ikkinchidan esa, Ukrainani tezda NATOga a’zo bo‘lishga taklif qilishdir.