Neft tranzitiga javob: Slovakiya Ukrainaga energetik yordam berishdan bosh tortmoqda

Slovakiya 23 fevral kuni Ukraina tomoniga elektr energiyasini favqulodda yetkazib berishni to‘xtatadi.

Mamlakat bosh vaziri Robert Fisoning so‘zlariga ko‘ra, ushbu qaror Kiyevning "Drujba" quvuri orqali Rossiya nefti tranzitini to‘xtatganiga javoban qabul qilingan.

"Agar Ukraina tomoni Slovakiyaga Ukraina energetika tarmog‘ini barqarorlashtirishda yordam so‘rab murojaat qilsa, bunday yordamni olmaydi", — deb bayonot berdi siyosatchi ijtimoiy tarmoqlarda e’lon qilingan videomurojaatida.