Meksikada narkobaron “El Mencho” o‘ldirildi

AQSh uning boshi uchun 15 mln dollar mukofot e’lon qilgandi

Ommaviy axborot vositalarining xabar berishicha, Meksika va AQSh xavfsizlik kuchlari tomonidan o‘tkazilgan maxsus operasiyada Xalisko karteli yetakchisi Nemesio Oseguyera Servantes o‘ldirildi. U mamlakatdagi eng xavfli jinoyatchilardan biri bo‘lib, “El Mencho” laqabini olgandi.

Uning o‘limi dunyodagi eng qudratli va shafqatsiz narkokartellardan biri bo‘lgan Cartel Jalisco Nueva Generacion (CJNG, Xaliskoning yangi avlodi karteli) uchun juda qattiq zarba bo‘ldi. Ushbu kartel AQShga sintetik giyohvand moddalar yetkazib berish bilan shug‘ullangan.