Navoiy kon-metallurgiya kombinatining “Pistali” konida sodir bo‘lgan baxtsiz hodisa oqibatida ikki nafar ishchi halok bo‘ldi. Bu haqda “NKMK” AJ matbuot xizmati ma’lum qildi.
Hodisa 10 sentyabr kuni soat 15:00 larda “Qizilqum” kon boshqarmasi Avtomobil transporti boshqarmasining “Pistali” 1-transport sexida foydalanilgan avtomobil shinalarini saqlash maydonida sodir bo‘lgan.
Ma’lum qilinishicha, quvur tashuvchi avtomashina tirkamasida shinomontaj ishlarini bajarish vaqtida shina portlagan. Oqibatda ikki nafar ishchi-xizmatchi vafot etgan.
Holat yuzasidan huquqni muhofaza qiluvchi organlar tomonidan tergovga qadar tekshiruv olib borilmoqda. Shuningdek, nazorat qiluvchi davlat tashkilotlari baxtsiz hodisaning sabab va sharoitlarini o‘rganmoqda.
Kombinat bunday hodisalarning oldini olish bo‘yicha zarur choralar ko‘rilayotganini bildirdi.
Yaponiyada uyqu musobaqasi bo‘lib o‘tadi, unda g‘olib katta pul mukofotiga sazovor bo‘ladi
Dunyo xaritasi 500 yil ichida ilk bor yangilandi
«Vafot etgan» Bibimaryam tirik ekani tasdiqlandi — Face ID ishga tushdi
