Navoiy viloyatining Karmana tumanida aliment to‘lovlaridan bo‘yin tovlab yurgan erkak Majburiy ijro byurosi (MIB) xodimlari tomonidan tandir ichida yashiringan holda aniqlandi.
Ma’lum qilinishicha, fuqaroning aliment bo‘yicha qarzi qariyb 71 million so‘mga yetgan. Qarzdorni aniqlash va ijro hujjatini ta’minlash maqsadida o‘tkazilgan qidiruv tadbirlari davomida u oshxonalardan birida joylashgan tandir ichiga yashirinib olgani ma’lum bo‘lgan.
MIB xodimlari tomonidan erkakning yashiringan joyi aniqlanib, u qo‘lga olingan.
Mas’ul idora ma’lumotiga ko‘ra, aliment to‘lovidan qasddan bo‘yin tovlash holatlariga nisbatan qonunchilikda belgilangan tartibda choralar ko‘riladi. Shuningdek, aliment undirish bilan bog‘liq ijro hujjatlarining o‘z vaqtida bajarilishi davlat nazoratida ekani ta’kidlandi.
Ushbu voqea ijtimoiy tarmoqlarda keng muhokama qilinib, ko‘plab foydalanuvchilarning e’tiborini tortdi.
O‘zbekistonda yangi ko‘l paydo bo‘ldi
Rustam G‘oipovga “Xalq artisti” unvonining berilishi shaxsan davlat rahbarining tashabbusi bo‘lgan
Rossiya Moliya vazirligi va Markaziy bank Putinni ogohlantirdi
