Bloomberg xabar berishicha, NATO Yevropa—Rossiya qarama-qarshiligi kuchaysa, AQShdan olinadigan yordam ancha qisqarishi mumkinligiga tayyorgarlik ko‘ryapti.
Vashington asosiy e’tiborini Osiyoga qaratayotgani sabab, Yevropadagi kuchlar ko‘proq mustaqil harakat qilishga majbur bo‘lishi mumkin.
Ruminiyadagi yirik mashg‘ulotlar shuni ko‘rsatdiki, fransuzlar yetakchiligidagi Yevropa qo‘shinlari himoyani asosan o‘z kuchi bilan bajarishga o‘tmoqda. Ammo u yerda jiddiy kamchiliklar aniqlandi: logistika, havo mudofaasi, razvedka va uzoq masofali zarbalar bo‘yicha Yevropa hali ham AQShga kuchli bog‘liq.
