“Majburiy davolash uchun mo‘ljallangan narkologiya muassasalarida davolash jarayonini tashkil etish tartibi to‘g‘risida”gi nizom Adliya vazirligida davlat ro‘yxatidan o‘tkazildi (ro‘yxat raqami: 3720-son, 06.12.2025 y.).
Ushbu Nizomga ko‘ra, narkologik kasallikka chalingan va sud qarori bilan majburiy davolashga yuborilgan shaxslarning davolash jarayonini tashkil etish tartibi belgilandi.
Bemor muassasaga qabul qilinganidan keyin 5 kun ichida majburiy davolash muddati tibbiy komissiya tomonidan belgilanadi. Komissiya muassasa rahbari va ikki nafar narkolog shifokordan iborat bo‘ladi.
Nizomga ko‘ra, majburiy davolash muddati 18 oydan oshmasligi shart.
Bemorlar quyidagi hollarda muassasadan chiqariladi:
🔷majburiy davolash muddati tugaganda va bemorning klinik holati inobatga olinganda;
🔷davolashga to‘sqinlik qiluvchi og‘ir qo‘shimcha kasalliklar aniqlanganda.
Yangi tartib narkologik bemorlarning majburiy davolash jarayonini huquqiy va tibbiy jihatdan yanada aniqlashtirishga qaratilgan.
Muhammad Saloh jazolanadigan bo‘ldi
AQSh "ham siz bilan, ham biz bilan o‘ynayapti" - Mers
Bomba o‘rnatilgan avtomobilning portlashi oqibatida besh kishi halok bo‘ldi
