Davlat xavfsizlik xizmatining Namangan viloyati bo‘yicha boshqarmasi hamda viloyat Bojxona boshqarmasi xodimlari hamkorligida Namangan ayeroportida tezkor tadbir o‘tkazildi.
Tadbir davomida “Namangan – Dehli” yo‘nalishida Hindistonga ketmoqchi bo‘lgan Andijon va Farg‘ona viloyatlarida yashovchi 5 nafar fuqaro maxsus tekshiruvdan o‘tkazildi.
Natijada, ular o‘zlarining ichki organlaridan “jonli konteyner” sifatida foydalanib, jami og‘irligi 555 gr bo‘lgan quyma oltin bo‘laklari va 200 gr zargarlik buyumlarini yashirin ravishda xorijga olib ketmoqchi bo‘lganliklari fosh etildi.
Dastlabki hisob-kitoblarga ko‘ra, mazkur qimmatbaho metallarning umumiy taxminiy qiymati 1,1 mlrd so‘mni tashkil etadi. Hozirda holat yuzasidan tergovga qadar tekshiruv olib borilmoqda.
Yaponiyada uyqu musobaqasi bo‘lib o‘tadi, unda g‘olib katta pul mukofotiga sazovor bo‘ladi
Dunyo xaritasi 500 yil ichida ilk bor yangilandi
Kanadalik olim Trampga Oy kimga tegishli ekanligini eslatib qo‘ydi
