"Musor"dan qarzi bo‘lgan 205 mingga yaqin abonentning elektr to‘loviga vaqtincha cheklov o‘rnatildi

Qayd etilishicha, 6 dekabr holatiga respublika bo‘ylab jami 204 895 nafar abonentga elektr uchun to‘lov cheklovi joriy etilgan.

"Mazkur tartib 2025 yil 30 iyungacha bo‘lgan qarzdorliklarga tatbiq etilmaydi. 2025 yil 1 iyuldan keyin shakllangan qarzdorliklar uchun esa ushbu mexanizm 2025 yil 5 noyabrdan boshlab qo‘llanilmoqda", — deyiladi Chiqindilarni boshqarish agentligi xabarida.

Agentlik shuningdek qarzdorlik to‘liq qoplanishi bilan elektr to‘lovi uchun cheklov darhol bekor qilinishi eslatdi.