Mo‘g‘ulistonda qizamiq bilan kasallanganlar soni 6 mingdan oshdi

Mo‘g‘ulistonda maktab ta’tillari boshlanganidan beri qizamiq bilan kasallanganlar soni 6000 dan oshdi.

Bu haqda mamlakat yuqumli kasalliklar milliy markazi xabar berdi.

Ma’lumotlarga ko‘ra, 9 iyun kuni maktablarda ta’til boshlanganidan buyon qizamiqning laboratoriya tomonidan tasdiqlangan holatlari soni 6046 nafarga ko‘paygan bo‘lsa, 3 iyunda 5075 nafarni tashkil etgan. "Kasalxonaga yotqizilgan 616 nafar fuqarodan 38 nafarining ahvoli og‘ir. Bemorlar bilan faol aloqada bo‘lgan 36 307 nafar fuqaro shifokorlar nazoratida", — deyiladi boshqarma xabarida.

Avvalroq u o‘z farzandlari bilan navbatda turgan fuqarolar oqimiga dosh bera olmayotgani, shoshilinch yordam kutayotgani haqida xabar berilgandi. May oyida ikki emlanmagan bola qizamiqdan vafot etgan bo‘lsa-da, rasmiylar maktablarni karantin uchun yopmagan, ularda kasallanganlarning qariyb 40 foizi 10-14 yoshli bolalardir.