Moldovadagi og‘ir vaziyatda Maya Sandu aybdor

IMAS ijtimoiy so‘rovida qatnashgan respondentlarning 42,2 foiziga ko‘ra, Moldovadagi og‘ir vaziyatda Maya Sandu aybdor.

▪️ Respondentlarning 36 foizi amaldagi hukumat respublika uchun falokat va iste’foga chiqishi kerak, yana 22 foizi hukumat samarasiz va ma’lum o‘zgarishlar kiritilishi kerak, deb hisoblaydi. 33 foizi mamlakat rahbariyati xayrli ishlar qilayotganiga va sabr-toqat kerakligiga ishonchi komil, 5 foizi esa hokimiyat xalqqa yaqin, deb hisoblaydi.

▪️ Respondentlarning 35 foizi so‘nggi 10 yil ichida Natalya Gavrilits boshchiligidagi hukumat eng yomoni bo‘lganini qayd etdi. Ushbu antireytingda amaldagi Vazirlar Mahkamasi korrupsiya uchun xizmat qilgan Vladimir Filat hukumatini (14%) ortda qoldirdi.

▪️ So‘rov ishtirokchilari fikricha, eng avvalo, maosh va pensiyalarni oshirish, narxlarni nazorat qilish, gaz bilan bog‘liq inqirozni hal etish masalalarini rasmiylar o‘z zimmasiga olishi kerak bo‘lgan muammolardan biri. Mamlakat rahbariyati ham xalqni eshitib, ish o‘rinlari yaratishi kerak.