MMA 2026 yilgi yozgi Osiyo o‘yinlari dasturiga kiritildi!

Ma’lum qilinishicha, MMA sport turi 2026 yilning 19 sentyabr — 4 oktyabr kunlari Yaponiyaning Nagoya shahrida bo‘lib o‘tadigan XX yozgi Osiyo o‘yinlari dasturiga kiritilgan.

Mazkur sport turni bo‘yicha musobaqalar ikki uslubda — zamonaviy va an’anaviy tarzda jami 6 ta vaznda o‘tkaziladi:

Erkaklar:

Zamonaviy uslub: 60 kg va 71 kg

An’anaviy uslub: 65 kg va 77 kg.

Ayollar:

Zamonaviy uslub: 54 kg

An’anaviy uslub: 60 kg.

An’anaviy uslubda sportchilar maxsus jilet va shortilarda, zamonaviy uslubda esa rashgvard va shortilarda bellashadilar.