Misr prezidenti Trampga murojaat qildi

AQSh prezidenti Donald Tramp G‘azo sektorida o‘t ochishni to‘xtatish bo‘yicha kelishuvga erishish uchun barcha manfaatdor tomonlarga bosim o‘tkazishi kerak.

Misr rahbari Abdulfattoh as-Sisiy Bag‘dodda Arab davlatlari ligasining 34-sammiti ochilishida so‘zlagan nutqida shunday chaqiriq bilan chiqdi.

"Men prezident Trampga iltimos bilan murojaat qilaman: siz G‘azoda o‘t ochishni to‘xtatish bo‘yicha kelishuvga erishish uchun barcha zarur sa’y-harakatlarni amalga oshirishingiz va mojaro tomonlariga bosim o‘tkazishingiz kerak. Bu Vashingtonning vositachiligi va homiyligida bo‘lib o‘tadigan va mintaqaviy vaziyatni yakuniy tartibga solishga olib keladigan jiddiy siyosiy jarayonni boshlaydi," - dedi as-Sisiy, uning nutqini Iroqning Al-Ikhbariya telekanali translyasiya qildi.

Misr prezidenti hozirgi siyosiy vaziyatni o‘tgan asrning 70 yillariga qiyosladi, o‘shanda AQSh "Misr va Isroil o‘rtasida tinchlik o‘rnatilishida ham tarixiy rol o‘ynagan."