Misr parlamenti prezident Abdulfattoh as-Sisiyga yamanlik husiylarning hujumlari kuchayib borayotgan bir sharoitda Saudiya Arabistonini harbiy jihatdan qo‘llab-quvvatlash va himoya qilish uchun zarur choralarni ko‘rishga ruxsat berdi.
Al Jazeera telekanali xabar berishicha, tegishli qaror Vakillar palatasining bugungi majlisida qabul qilingan.
O‘tgan hafta as-Sisiy parlamentdan tegishli so‘rov kelib tushgan taqdirda Ar-Riyodga mudofaa yordami ko‘rsatishga ruxsat berishni so‘ragan edi.
Prezident Saudiya Arabistonini harbiy jihatdan qo‘llab-quvvatlash faqat mudofaa xususiyatiga ega bo‘lishini ta’kidlagan.
Misr Eronning Fors ko‘rfazi mamlakatlariga qarshi hujumlarini bir necha bor qoralagan. Biroq Qohira ochiq ravishda to‘g‘ridan-to‘g‘ri harbiy harakatlarda ishtirok etmagan va avgust oyida Saudiya Arabistoni, Pokiston hamda Turkiya o‘rtasida imzolangan Makka o‘zaro mudofaa paktiga ham qo‘shilmagan.
Mintaqadagi eng yirik armiyalardan biriga ega bo‘lgan Misr 2015 yil mart oyida Yamandagi urushning dastlabki bosqichida Saudiya Arabistoni boshchiligidagi koalisiya tarkibida ishtirok etgan.
O‘shanda Qohira asosan harbiy-dengiz hamkori sifatida qatnashib, Qizil dengizda kemalar qatnovi xavfsizligini ta’minlash uchun harbiy kemalarini yuborgan va havodan qo‘llab-quvvatlashga va’da bergan.
Zelenskiy Ukraina hududining bir qismidan voz kechishga olib keladigan tinchlik kelishuviga rozi bo‘lishi mumkin
Sun’iy intellekt dunyodagi eng qimmat surat muallifligini shubha ostiga qo‘ydi
O‘zbekiston Samarqand haqidagi bayonotlar sabab Eronga norozilik notasi topshirdi
