The Wall Street Journal nashrining manbalariga tayanib xabar berishicha, Misr HAMASning 2023 yil 7 oktyabrdagi hujumidan oldin Isroilni bir necha bor ogohlantirgan, jumladan, Misr razvedka xizmati rahbari Abbos Komil hujumdan bir necha kun oldin Isroil bosh vaziri Binyamin Netanyahuga qo‘ng‘iroq qilgan.
Misr 2023 yilning iyun va sentyabr oylarida ham Isroil tomoniga HAMAS hujumga tayyorlanayotgani haqida oldindan ogohlantirishlar bergan. Bunday xabarlar hujum boshlanishiga taxminan 48 soat qolgunga qadar davom etgan.
Netanyahu o‘ziga HAMASning hujumi haqida oldindan ogohlantirishlar kelib tushganini rad etib, Isroil xavfsizlik xizmatlari boshliqlari uni kerakli tarzda ogohlantirmaganini da’vo qilmoqda.
Avvalroq Isroilning Haaretz nashri Birlashgan Arab Amirliklari rahbari shayx Muhammad bin Zoid 2023 yilda Isroil bosh vaziri Binyamin Netanyahuni HAMAS guruhi Isroilga yirik hujum uyushtirishga tayyorgarlik ko‘rayotgani haqida bevosita ogohlantirgani, ammo Netanyahu bu axborotni maxsus xizmatlarga yetkazmagani haqida xabar bergan edi.
Rossiyada bir hafta ichida kasallanganlar soni qariyb 1 millionga yetdi
10 yildan beri qidiruvda bo‘lgan o‘zbekistonlik ISHIDchi, «Choyxona» rahbari AQShga ekstradisiya qilindi
Netanyaxu nutqi paytida zalni tark etgan davlatlar ro‘yxati
