Eron AQSh bilan muzokaralarga ham, yangi harbiy mojaroga ham tayyor

Eron tashqi ishlar vaziri Abbos Aroqchining bildirishicha, Tehron AQSh bilan diplomatik muzokaralarga ham, ehtimoliy yangi harbiy to‘qnashuvga ham tayyor.

Aroqchi NBC telekanaliga bergan intervyusida, agar AQSh tomonidan yangi tajovuz boshlansa, Eron har qanday mojaroga qarshi turishini aytdi. Uning ta’kidlashicha, yangi harbiy ziddiyat avvalgidek natijasiz yakunlanishi mumkin.

Shu bilan birga, Eron diplomatik yo‘l bilan kelishuvga erishishga tayyorligini bildirmoqda. Biroq Tehron muzokaralarni davom ettirish uchun AQShdan Eron tomoni taklif qilgan yetti banddan iborat rejani qabul qilishni kutmoqda.

Aroqchining so‘zlariga ko‘ra, Eron Ormuz bo‘g‘ozini ochish bo‘yicha taklifini vositachilar orqali Vashingtonga yetkazgan. AQSh prezidenti Donald Tramp esa mazkur taklifni rad etganini ma’lum qilgan.