Seul Ukraina tomoni asirlarni topshirish haqidagi kelishuvni oshkor qilganini va keyinchalik maxfiylik bo‘yicha kelishuv bo‘lmaganini bildirganini tanqid qildi. Prezidentning jamoatchilik bilan aloqalar bo‘yicha katta kotibi Son Gi Xon bu holatdan «chuqur afsus» bildirib, zarurat tug‘ilsa, qo‘shimcha choralar ko‘rilishi mumkinligini aytdi.
Janubiy Koreya ma’lumotiga ko‘ra, Kiyev asirlarni topshirish masalasini Seul bilan turli kanallar orqali bir necha bor muhokama qilgan va jarayonning maxfiy saqlanishini so‘ragan. Bunga asirlarning o‘zlari va ularning oilalari xavfsizligi, shuningdek, diplomatik va gumanitar omillar sabab qilib ko‘rsatilgan.
Ukraina prezidenti Vladimir Zelenskiy esa BMT Bosh Assambleyasidagi nutqi chog‘ida Ukraina Kursk viloyatida asirga olingan ikki nafar Shimoliy Koreya fuqarosini Janubiy Koreyaga topshirganini ma’lum qilgan.
Ayni paytda Ukraina tomoni Seul bilan ma’lumotni maxfiy saqlash bo‘yicha kelishuv bo‘lganini rad etmoqda. Zelenskiy ofisidagi manba Ukraina bunday va’da bermaganini ta’kidlagan. Prezident maslahatchisi Dmitriy Litvin ham bunday kelishuv bo‘lmaganini bildirgan.
Rossiyada bir hafta ichida kasallanganlar soni qariyb 1 millionga yetdi
10 yildan beri qidiruvda bo‘lgan o‘zbekistonlik ISHIDchi, «Choyxona» rahbari AQShga ekstradisiya qilindi
Netanyaxu nutqi paytida zalni tark etgan davlatlar ro‘yxati
