Microsoft dasturiy ta’minoti zaifligi tufayli xakerlar AQSh agentliklariga hujum qilishdi

Xakerlar Microsoft’ning SharePoint dasturidagi zaiflik tufayli davlat idoralari va AQSh kompaniyalariga hujum qilishdi.

Bu haqda rasmiylar va xususiy tadqiqotchilarga tayanib, Washington Post nashri xabar berdi.

"Xakerlar so‘nggi bir necha kun ichida Microsoft’ning keng qo‘llaniladigan server dasturiy ta’minotidagi katta xavfsizlik kamchiligidan foydalanib, davlat idoralari va kompaniyalariga global hujum uyushtirishdi”, — deb yozadi nashr.

Uning ma’lumotlariga ko‘ra, milliy va mintaqaviy agentliklar, universitetlar va energetika kompaniyalari nishonga olingan.

Gazetaning yozishicha, AQSH, shuningdek, Kanada va Avstraliya SharePoint serverlarining zaifligini tekshirishni boshlagan.

Shu bilan birga, nashr ta’kidlaganidek, Microsoft hali vaziyatni to‘g‘irlash uchun yangilanishni chiqarmagan.

Gazetaning yozishicha, buzg‘unchilikni aynan kim amalga oshirgani va uning asosiy maqsadi nima bo‘lgani hozircha noma’lum.