Sakkiz karra “Oltin to‘p” sohibi, 2022-yilgi jahon chempionati oltin medalini qo‘lga kiritgan Lionel Messi faoliyatini yakunlashni rejalashtirmayapti. ESPN nashri xabariga ko‘ra, 38 yoshli argentinalik hujumchi “Inter Mayami” bilan uzoq muddatli shartnoma borasida muzokaralar olib bormoqda.
Manbaga ko‘ra, tomonlar kelishuvning so‘nggi tafsilotlarini muhokama qilmoqda va yaqin orada shartnoma imzolanishi kutilmoqda. Messi 2023-yilning yozidan beri “Inter Mayami” sharafini himoya qilib keladi, uning klub bilan shartnomasi 2025-yilning oxiriga qadar amal qiladi.
Avvalroq OAVda Leo Mayami klubidan ketishi mumkinligi va unga Saudiya Arabistonin chempionatidan jiddiy taklif borligi borasida mish-mishlar tarqalgan edi. Ammo amalda bu o‘z tasdig‘ini topmadi.
Eslatib o‘tamiz, Leo Messi joriy mavsum MLS doirasidagi 21 ta uchrashuvda maydonga tushib, o‘z hisobiga 20 ta gol va 9 ta golli uzatmani yozdirib qo‘ygan.
Naoya Inoue: "Bu Murodjonning sharofati bilan edi"
O‘zbekiston Yaponiyaga yirik hisobda mag‘lub bo‘ldi
Qoyilmaqom o‘ynagan Husanov necha ballga loyiq ko‘rildi? (Foto)
